vaiśākhe māsi kṛṣṇāyāṃ daśamyāṃ mandavāsare. pūrvābhādraprabhūtāya maṅgalaṃ śrīhanūmate .. 1 .. karuṇārasapūrṇāya phalāpūpapriyāya ca . māṇikyahārakaṇṭhāya maṅgalaṃ śrīhanūmate .. 2 .. suvarcalākalatrāya caturbhujadharāya ca . uṣṭrārūḍhāya vīrāya maṅgalaṃ śrīhanūmate .. 3 .. divyamaṅgaladehāya pītāmbaradharāya ca . taptakāñcanavarṇāya maṅgalaṃ śrīhanūmate .. 4 .. bhaktarakṣaṇaśīlāya jānakīśokahāriṇe . jvalatpāvakanetrāya maṅgalaṃ śrīhanūmate .. 5 .. pampātīravihārāya saumitriprāṇadāyine . sṛṣṭikāraṇabhūtāya maṅgalaṃ śrīhanūmate .. 6 .. rambhāvanavihārāya gandhamādanavāsine . sarvalokaikanāthāya maṅgalaṃ śrīhanūmate .. 7 .. pañcānanāya bhīmāya kālanemiharāya ca . kauṇḍinyagotrajātāya maṅgalaṃ śrīhanūmate .. 8 .. iti śrī hanumān maṅgalāṣṭakam ..

वैशाखे मासि कृष्णायां दशम्यां मन्दवासरे। पूर्वाभाद्रप्रभूताय मङ्गलं श्रीहनूमते ॥ १ ॥ करुणारसपूर्णाय फलापूपप्रियाय च । माणिक्यहारकण्ठाय मङ्गलं श्रीहनूमते ॥ २ ॥ सुवर्चलाकलत्राय चतुर्भुजधराय च । उष्ट्रारूढाय वीराय मङ्गलं श्रीहनूमते ॥ ३ ॥ दिव्यमङ्गलदेहाय पीताम्बरधराय च । तप्तकाञ्चनवर्णाय मङ्गलं श्रीहनूमते ॥ ४ ॥ भक्तरक्षणशीलाय जानकीशोकहारिणे । ज्वलत्पावकनेत्राय मङ्गलं श्रीहनूमते ॥ ५ ॥ पम्पातीरविहाराय सौमित्रिप्राणदायिने । सृष्टिकारणभूताय मङ्गलं श्रीहनूमते ॥ ६ ॥ रम्भावनविहाराय गन्धमादनवासिने । सर्वलोकैकनाथाय मङ्गलं श्रीहनूमते ॥ ७ ॥ पञ्चाननाय भीमाय कालनेमिहराय च । कौण्डिन्यगोत्रजाताय मङ्गलं श्रीहनूमते ॥ ८ ॥ इति श्री हनुमान् मङ्गलाष्टकम् ॥