sadāśiva-samārambhāṃ śaṅkarācārya-madhyamām. asmadācārya-paryantāṃ vande guru-paramparām..1.. namo'stu te vyāsa viśālabuddhe phullāravindāyatapatranetra. yena tvayā bhāratatailapūrṇaḥ prajcālito jñānamayaḥ pradīpaḥ ..2.. śruti-smṛti-purāṇānām ālayaṃ karuṇālayam. namāmi bhagavatpāda- śaṅkaraṃ lokaśaṅkaram..3.. śaṅkaraṃ śaṅkarācārya keśavaṃ bādarāyaṇam. sūtra-bhāṣya-kṛtī vande bhagavantau punaḥ punaḥ..4.. gururbrahmā gururviṣṇuḥ gururdevo maheśvaraḥ. guruḥ sākṣāt paraṃ brahma tasmai śrīgurave namaḥ..5.. śrīcinmaya-yatīśasya guruṃ vande tapovanam. taṃ himavad-vibhūtiṃ vai jñāna-vairāgya-rūpiṇam..6.. samasta-jana-kalyāṇe nirataṃ karuṇāmayam . namāmi cinmayaṃ devaṃ sadguruṃ brahmavidvaram..7..

सदाशिव-समारम्भां शङ्कराचार्य-मध्यमाम्। अस्मदाचार्य-पर्यन्तां वन्दे गुरु-परम्पराम्॥१॥ नमोऽस्तु ते व्यास विशालबुद्धे फुल्लारविन्दायतपत्रनेत्र। येन त्वया भारततैलपूर्णः प्रज्चालितो ज्ञानमयः प्रदीपः ॥२॥ श्रुति-स्मृति-पुराणानाम् आलयं करुणालयम्। नमामि भगवत्पाद- शङ्करं लोकशङ्करम्॥३॥ शङ्करं शङ्कराचार्य केशवं बादरायणम्। सूत्र-भाष्य-कृती वन्दे भगवन्तौ पुनः पुनः॥४॥ गुरुर्ब्रह्मा गुरुर्विष्णुः गुरुर्देवो महेश्वरः। गुरुः साक्षात् परं ब्रह्म तस्मै श्रीगुरवे नमः॥५॥ श्रीचिन्मय-यतीशस्य गुरुं वन्दे तपोवनम्। तं हिमवद्-विभूतिं वै ज्ञान-वैराग्य-रूपिणम्॥६॥ समस्त-जन-कल्याणे निरतं करुणामयम् । नमामि चिन्मयं देवं सद्गुरुं ब्रह्मविद्वरम्॥७॥