jātavedase sunavāma somamarātīyato nidahāti vedaḥ . sa naḥ parṣadati durgāṇi viśvā nāveva sindhuṃ duritātyagniḥ ..1.. tāmagnivarṇāṃ tapasā jvalantīṃ vairocanīṃ karmaphaleṣu juṣṭām . durgāṃ devīm̐śaraṇamahaṃ prapadye sutarasi tarase namaḥ ..2.. agne tvaṃ pārayā navyo asmān svastibhirati durgāṇi viśvā . pūśca pṛthvī bahulā na urvī bhavā tokāya tanayāya śaṃyoḥ ..3.. viśvāni no durgahā jātavedaḥ sindhuṃ na nāvā duritātiparṣi . agne atrivanmanasā gṛṇāno'smākaṃ bodhyavitā tanūnām ..4.. pṛtanājitam̐sahamānamugramagnim̐ huvema paramātsadhasthāt . sa naḥ parṣadati durgāṇi viśvā kṣāmaddevo ati duritātyagniḥ ..5.. pratnoṣi kamīḍyo adhvareṣu sanācca hotā navyaśca satsi . svāṃ cāgne tanuvaṃ piprayasvāsmabhyaṃ ca saubhagamāyajasva ..6.. gobhirjuṣṭamayujo niṣiktaṃ tavendra viṣṇoranusaṃcarema . nākasya pṛṣṭhamabhi saṃvasāno vaiṣṇavīṃ loka iha mādayantām ..7.. oṃ kātyāyanāya vidmahe kanyākumāri dhīmahi tanno durgiḥ pracodayāt .. oṃ śāntiḥ śāntiḥ śāntiḥ ..

जातवेदसे सुनवाम सोममरातीयतो निदहाति वेदः । स नः पर्षदति दुर्गाणि विश्वा नावेव सिन्धुं दुरितात्यग्निः ॥१॥ तामग्निवर्णां तपसा ज्वलन्तीं वैरोचनीं कर्मफलेषु जुष्टाम् । दुर्गां देवीँशरणमहं प्रपद्ये सुतरसि तरसे नमः ॥२॥ अग्ने त्वं पारया नव्यो अस्मान् स्वस्तिभिरति दुर्गाणि विश्वा । पूश्च पृथ्वी बहुला न उर्वी भवा तोकाय तनयाय शंयोः ॥३॥ विश्वानि नो दुर्गहा जातवेदः सिन्धुं न नावा दुरितातिपर्षि । अग्ने अत्रिवन्मनसा गृणानोऽस्माकं बोध्यविता तनूनाम् ॥४॥ पृतनाजितँसहमानमुग्रमग्निँ हुवेम परमात्सधस्थात् । स नः पर्षदति दुर्गाणि विश्वा क्षामद्देवो अति दुरितात्यग्निः ॥५॥ प्रत्नोषि कमीड्यो अध्वरेषु सनाच्च होता नव्यश्च सत्सि । स्वां चाग्ने तनुवं पिप्रयस्वास्मभ्यं च सौभगमायजस्व ॥६॥ गोभिर्जुष्टमयुजो निषिक्तं तवेन्द्र विष्णोरनुसंचरेम । नाकस्य पृष्ठमभि संवसानो वैष्णवीं लोक इह मादयन्ताम् ॥७॥ ॐ कात्यायनाय विद्महे कन्याकुमारि धीमहि तन्नो दुर्गिः प्रचोदयात् ॥ ॐ शान्तिः शान्तिः शान्तिः ॥