jagaddhātri namastubhyaṃ viṣṇośca priyavallabhe . yato brahmādayo devāḥ sṛṣṭisthityantakāriṇaḥ ..1.. namastulasi kalyāṇi namo viṣṇupriye śubhe . namo mokṣaprade devi namaḥ sampatpradāyike ..2.. tulasī pātu māṃ nityaṃ sarvāpadbhyo'pi sarvadā . kīrtitāpi smṛtā vāpi pavitrayati mānavam ..3.. namāmi śirasā devīṃ tulasīṃ vilasattanum . yāṃ dṛṣṭvā pāpino martyā mucyante sarvakilbiṣāt ..4.. tulasyā rakṣitaṃ sarvaṃ jagadetaccarācaram . yā vinihanti pāpāni dṛṣṭvā vā pāpibhirnaraiḥ ..5.. namastulasyatitarāṃ yasyai baddhvāñjaliṃ kalau . kalayanti sukhaṃ sarvaṃ striyo vaiśyāstathā'pare ..6.. tulasyā nāparaṃ kiñcid daivataṃ jagatītale . yathā pavitrito loko viṣṇusaṅgena vaiṣṇavaḥ ..7.. tulasyāḥ pallavaṃ viṣṇoḥ śirasyāropitaṃ kalau . āropayati sarvāṇi śreyāṃsi varamastake ..8.. tulasyāṃ sakalā devā vasanti satataṃ yataḥ . atastāmarcayelloke sarvān devān samarcayan ..9.. namastulasi sarvajñe puruṣottamavallabhe . pāhi māṃ sarvapāpebhyaḥ sarvasampatpradāyike ..10.. iti stotraṃ purā gītaṃ puṇḍarīkeṇa dhīmatā . viṣṇumarcayatā nityaṃ śobhanaistulasīdalaiḥ ..11.. tulasī śrīrmahālakṣmīrvidyāvidyā yaśasvinī . dharmyā dharmānanā devī devīdevamanaḥpriyā ..12.. lakṣmīpriyasakhī devī dyaurbhūmiracalā calā . ṣoḍaśaitāni nāmāni tulasyāḥ kīrtayannaraḥ ..13.. labhate sutarāṃ bhaktimante viṣṇupadaṃ labhet . tulasī bhūrmahālakṣmīḥ padminī śrīrharipriyā ..14.. tulasi śrīsakhi śubhe pāpahāriṇi puṇyade . namaste nāradanute nārāyaṇamanaḥpriye ..15.. ithi pundareeka krutham tulsi stotram sampoornam

जगद्धात्रि नमस्तुभ्यं विष्णोश्च प्रियवल्लभे । यतो ब्रह्मादयो देवाः सृष्टिस्थित्यन्तकारिणः ॥१॥ नमस्तुलसि कल्याणि नमो विष्णुप्रिये शुभे । नमो मोक्षप्रदे देवि नमः सम्पत्प्रदायिके ॥२॥ तुलसी पातु मां नित्यं सर्वापद्भ्योऽपि सर्वदा । कीर्तितापि स्मृता वापि पवित्रयति मानवम् ॥३॥ नमामि शिरसा देवीं तुलसीं विलसत्तनुम् । यां दृष्ट्वा पापिनो मर्त्या मुच्यन्ते सर्वकिल्बिषात् ॥४॥ तुलस्या रक्षितं सर्वं जगदेतच्चराचरम् । या विनिहन्ति पापानि दृष्ट्वा वा पापिभिर्नरैः ॥५॥ नमस्तुलस्यतितरां यस्यै बद्ध्वाञ्जलिं कलौ । कलयन्ति सुखं सर्वं स्त्रियो वैश्यास्तथाऽपरे ॥६॥ तुलस्या नापरं किञ्चिद् दैवतं जगतीतले । यथा पवित्रितो लोको विष्णुसङ्गेन वैष्णवः ॥७॥ तुलस्याः पल्लवं विष्णोः शिरस्यारोपितं कलौ । आरोपयति सर्वाणि श्रेयांसि वरमस्तके ॥८॥ तुलस्यां सकला देवा वसन्ति सततं यतः । अतस्तामर्चयेल्लोके सर्वान् देवान् समर्चयन् ॥९॥ नमस्तुलसि सर्वज्ञे पुरुषोत्तमवल्लभे । पाहि मां सर्वपापेभ्यः सर्वसम्पत्प्रदायिके ॥१०॥ इति स्तोत्रं पुरा गीतं पुण्डरीकेण धीमता । विष्णुमर्चयता नित्यं शोभनैस्तुलसीदलैः ॥११॥ तुलसी श्रीर्महालक्ष्मीर्विद्याविद्या यशस्विनी । धर्म्या धर्मानना देवी देवीदेवमनःप्रिया ॥१२॥ लक्ष्मीप्रियसखी देवी द्यौर्भूमिरचला चला । षोडशैतानि नामानि तुलस्याः कीर्तयन्नरः ॥१३॥ लभते सुतरां भक्तिमन्ते विष्णुपदं लभेत् । तुलसी भूर्महालक्ष्मीः पद्मिनी श्रीर्हरिप्रिया ॥१४॥ तुलसि श्रीसखि शुभे पापहारिणि पुण्यदे । नमस्ते नारदनुते नारायणमनःप्रिये ॥१५॥ इथि पुन्दरेएक क्रुथम् तुल्सि स्तोत्रम् सम्पोओर्नम्