oṃ viśveśvarīṃ jagaddhātrīṃ sthitisaṃhārakāriṇīm . nidrāṃ bhagavatīṃ viṣṇoratulāṃ tejasaḥ prabhuḥ ..1.. brahmovāca tvaṃ svāhā tvaṃ svadhā tvaṃ hi vaṣaṭkāraḥ svarātmikā . sudhā tvamakṣare nitye tridhā mātrātmikā sthitā ..2.. ardhamātrāsthitā nityā yānuccāryā viśeṣataḥ . tvameva sandhyā sāvitrī tvaṃ devi jananī parā ..3.. tvayaitaddhāryate viśvaṃ tvayaitat sṛjyate jagat . tvayaitat pālyate devi ! tvamatsyante ca sarvadā ..4.. visṛṣṭau sṛṣṭirūpā tvaṃ sthitirūpā ca pālane . tathā saṃhṛtirūpānte jagato'sya jaganmaye ..5.. mahāvidyā mahāmāyā mahāmedhā mahāsmṛtiḥ . mahāmohā ca bhavatī mahādevī mahāsurī ..6.. prakṛtistvaṃ ca sarvasya guṇatrayavibhāvinī . kālarātrirmahārātrimoharātriśca dāruṇā ..7.. tvaṃ śrīstvamīśvarī tvaṃ hrīstvaṃ buddhirbodhalakṣaṇā . lajjā puṣṭistathā tuṣṭistvaṃ śāntiḥ kṣantireva ca ..8.. khaḍginī śūlinī ghorā gadinī cakriṇī tathā . śaṅkhinī cāpinī bāṇabhuśuṇḍī parighāyudhā ..9.. saumyā saumyatarāśeṣasaumyebhyastvatisundarī . parā'parāṇāṃ paramā tvameva parameśvarī ..10.. yacca kiñcit kvacidvastu sadasadvā'khilātmike . tasya sarvasya yā śāktiḥ sā tvaṃ kiṃ stūyase tadā ..11.. yayā tvayā jagatsraṣṭā jagat pātyatti yo jagat . so'pi nidrāvaśaṃ nītaḥ kastvāṃ stotumiheśvaraḥ ..12.. viṣṇuḥ śarīragrahaṇamahamīśāna eva ca . kāritāste yato'tastvāṃ kaḥ stotaṃ śaktimān bhavet ..13.. sā tvamityaṃ prabhāvaiḥ svairudārairdevi saṃstutā . mohayaitau durādharṣāvasurau madhukaiṭabhau ..14.. prabodhaṃ ca jagatsvāmī nīyatāmacyuto laghu . bodhaśca kriyatāmasya hantumetau mahāsurau ..15..

ॐ विश्वेश्वरीं जगद्धात्रीं स्थितिसंहारकारिणीम् । निद्रां भगवतीं विष्णोरतुलां तेजसः प्रभुः ॥१॥ ब्रह्मोवाच त्वं स्वाहा त्वं स्वधा त्वं हि वषट्कारः स्वरात्मिका । सुधा त्वमक्षरे नित्ये त्रिधा मात्रात्मिका स्थिता ॥२॥ अर्धमात्रास्थिता नित्या यानुच्चार्या विशेषतः । त्वमेव सन्ध्या सावित्री त्वं देवि जननी परा ॥३॥ त्वयैतद्धार्यते विश्वं त्वयैतत् सृज्यते जगत् । त्वयैतत् पाल्यते देवि ! त्वमत्स्यन्ते च सर्वदा ॥४॥ विसृष्टौ सृष्टिरूपा त्वं स्थितिरूपा च पालने । तथा संहृतिरूपान्ते जगतोऽस्य जगन्मये ॥५॥ महाविद्या महामाया महामेधा महास्मृतिः । महामोहा च भवती महादेवी महासुरी ॥६॥ प्रकृतिस्त्वं च सर्वस्य गुणत्रयविभाविनी । कालरात्रिर्महारात्रिमोहरात्रिश्च दारुणा ॥७॥ त्वं श्रीस्त्वमीश्वरी त्वं ह्रीस्त्वं बुद्धिर्बोधलक्षणा । लज्जा पुष्टिस्तथा तुष्टिस्त्वं शान्तिः क्षन्तिरेव च ॥८॥ खड्गिनी शूलिनी घोरा गदिनी चक्रिणी तथा । शङ्खिनी चापिनी बाणभुशुण्डी परिघायुधा ॥९॥ सौम्या सौम्यतराशेषसौम्येभ्यस्त्वतिसुन्दरी । पराऽपराणां परमा त्वमेव परमेश्वरी ॥१०॥ यच्च किञ्चित् क्वचिद्वस्तु सदसद्वाऽखिलात्मिके । तस्य सर्वस्य या शाक्तिः सा त्वं किं स्तूयसे तदा ॥११॥ यया त्वया जगत्स्रष्टा जगत् पात्यत्ति यो जगत् । सोऽपि निद्रावशं नीतः कस्त्वां स्तोतुमिहेश्वरः ॥१२॥ विष्णुः शरीरग्रहणमहमीशान एव च । कारितास्ते यतोऽतस्त्वां कः स्तोतं शक्तिमान् भवेत् ॥१३॥ सा त्वमित्यं प्रभावैः स्वैरुदारैर्देवि संस्तुता । मोहयैतौ दुराधर्षावसुरौ मधुकैटभौ ॥१४॥ प्रबोधं च जगत्स्वामी नीयतामच्युतो लघु । बोधश्च क्रियतामस्य हन्तुमेतौ महासुरौ ॥१५॥