namāmi śambhuṃ puruṣaṃ purāṇaṃ namāmi sarvajñamapārabhāvam . namāmi rudraṃ prabhumakṣayaṃ taṃ namāmi śarvaṃ śirasā namāmi ..1.. namāmi devaṃ paramavyayaṃtaṃ umāpatiṃ lokaguruṃ namāmi . namāmi dāridravidāraṇaṃ taṃ namāmi rogāpaharaṃ namāmi ..2.. namāmi kalyāṇamacintyarūpaṃ namāmi viśvoddhvabījarūpam . namāmi viśvasthitikāraṇaṃ taṃ namāmi saṃhārakaraṃ namāmi ..3.. namāmi gaurīpriyamavyayaṃ taṃ namāmi nityaṃkṣaramakṣaraṃ tam . namāmi cidrūpamameyabhāvaṃ trilocanaṃ taṃ śirasā namāmi ..4.. namāmi kāruṇyakaraṃ bhavasyā bhayaṃkaraṃ vāpi sadā namāmi . namāmi dātāramabhīpsitānāṃ namāmi someśamumeśamādau ..5.. namāmi vedatrayalocanaṃ taṃ namāmi mūrtitrayavarjitaṃ tam . namāmi puṇyaṃ sadasadvyātītaṃ namāmi taṃ pāpaharaṃ namāmi ..6.. namāmi viśvasya hite rataṃ taṃ namāmi rūpāpi bahuni dhatte . yo viśvagoptā sadasatpraṇetā namāmi taṃ viśvapatiṃ namāmi ..7.. yajñeśvaraṃ samprati havyakavyaṃ tathāgatiṃ lokasadāśivo yaḥ . ārādhito yaśca dadāti sarvaṃ namāmi dānapriyamiṣṭadevam ..8.. namāmi someśvaraṃsvatantraṃ umāpatiṃ taṃ vijayaṃ namāmi . namāmi vighneśvaranandināthaṃ putrapriyaṃ taṃ śirasā namāmi ..9.. namāmi devaṃ bhavaduḥkhaśoka vināśanaṃ candradharaṃ namāmi . namāmi gaṃgādharamīśamīḍyaṃ umādhavaṃ devavaraṃ namāmi ..10.. namāmyajādīśapurandarādi surāsurairarcitapādapadmam . namāmi devīmukhavādanānāṃ īkṣārthamakṣitritayaṃ ya aicchat ..11.. paṃcāmṛtairgandhasudhūpadīpaiḥ vicitrapuṣpairvividhaiśca mantraiḥ . annaprakāraiḥ sakalopacāraiḥ sampūjitaṃ somamahaṃ namāmi ..12..

नमामि शम्भुं पुरुषं पुराणं नमामि सर्वज्ञमपारभावम् । नमामि रुद्रं प्रभुमक्षयं तं नमामि शर्वं शिरसा नमामि ॥१॥ नमामि देवं परमव्ययंतं उमापतिं लोकगुरुं नमामि । नमामि दारिद्रविदारणं तं नमामि रोगापहरं नमामि ॥२॥ नमामि कल्याणमचिन्त्यरूपं नमामि विश्वोद्ध्वबीजरूपम् । नमामि विश्वस्थितिकारणं तं नमामि संहारकरं नमामि ॥३॥ नमामि गौरीप्रियमव्ययं तं नमामि नित्यंक्षरमक्षरं तम् । नमामि चिद्रूपममेयभावं त्रिलोचनं तं शिरसा नमामि ॥४॥ नमामि कारुण्यकरं भवस्या भयंकरं वापि सदा नमामि । नमामि दातारमभीप्सितानां नमामि सोमेशमुमेशमादौ ॥५॥ नमामि वेदत्रयलोचनं तं नमामि मूर्तित्रयवर्जितं तम् । नमामि पुण्यं सदसद्व्यातीतं नमामि तं पापहरं नमामि ॥६॥ नमामि विश्वस्य हिते रतं तं नमामि रूपापि बहुनि धत्ते । यो विश्वगोप्ता सदसत्प्रणेता नमामि तं विश्वपतिं नमामि ॥७॥ यज्ञेश्वरं सम्प्रति हव्यकव्यं तथागतिं लोकसदाशिवो यः । आराधितो यश्च ददाति सर्वं नमामि दानप्रियमिष्टदेवम् ॥८॥ नमामि सोमेश्वरंस्वतन्त्रं उमापतिं तं विजयं नमामि । नमामि विघ्नेश्वरनन्दिनाथं पुत्रप्रियं तं शिरसा नमामि ॥९॥ नमामि देवं भवदुःखशोक विनाशनं चन्द्रधरं नमामि । नमामि गंगाधरमीशमीड्यं उमाधवं देववरं नमामि ॥१०॥ नमाम्यजादीशपुरन्दरादि सुरासुरैरर्चितपादपद्मम् । नमामि देवीमुखवादनानां ईक्षार्थमक्षित्रितयं य ऐच्छत् ॥११॥ पंचामृतैर्गन्धसुधूपदीपैः विचित्रपुष्पैर्विविधैश्च मन्त्रैः । अन्नप्रकारैः सकलोपचारैः सम्पूजितं सोममहं नमामि ॥१२॥