bhagavati bhavalīlāmaulimāle tavāṃbhaḥ kaṇamaṇuparimāṇaṃ prāṇino ye spṛśanti . amaranagaranāricāmaramaragrāhiṇīnāṃ vigatakalikalaṃkātaṃkamaṃke luṭhanti .. 1.. brahmāṇḍaṃ khaṃḍayantī haraśirasi jaṭāvallimullāsayantī kharllokāt āpatantī kanakagiriguhāgaṇḍaśailāt skhalantī . kṣoṇī pṛṣṭhe luṭhantī duritacayacamūniṃrbharaṃ bhartsayantī pāthodhiṃ purayantī suranagarasarit pāvanī naḥ punātu .. 2.. majjanamātaṃgakuṃbhacyutamadamadirāmodamattālijālaṃ snānaṃḥ siddhāṃganānāṃ kucayugavigalat kuṃkumāsaṃgapiṃgam . sāyaṃprātarmunīnāṃ kuśakusumacayaiḥ channatīrasthanīraṃ pāya nno gāṃgamaṃbhaḥ karikalabhakarākrāntaraṃ hastaraṃgam .. 3.. ādāvādi pitāmahasya niyamavyāpārapātre jalaṃ paścāt pannagaśāyino bhagavataḥ pādodakaṃ pāvanam . bhūyaḥ śaṃbhujaṭāvibhūṣaṇamaṇiḥ jahanormaharṣeriyaṃ kanyā kalmaṣanāśinī bhagavatī bhāgīrathī dṛśyate .. 4.. śailendrāt avatāriṇī nijajale majjat janottāriṇī pārāvāravihāriṇī bhavabhayaśreṇī samutsāriṇī . śeṣāheranukāriṇī haraśirovallidalākāriṇī kāśīprāntavihāriṇī vijayate gaṃgā manūhāriṇo .. 5.. kuto vīcirvīcistava yadi gatā locanapathaṃ tvamāpītā pītāṃbarapugnivāsaṃ vitarasi . tvadutsaṃge gaṃge patati yadi kāyastanubhṛtāṃ tadā mātaḥ śātakratavapadalābho'pyatilaghuḥ .. 6.. gaṃge trailokyasāre sakalasuravadhūdhautavistīrṇatoye pūrṇabrahmasvarūpe haricaraṇarajohāriṇi svargamārge . prāyaścitaṃ yadi syāt tava jalakāṇikrā brahmahatyādipāpe kastvāṃ stotuṃ samarthaḥ trijagadaghahare devi gaṃge prasīda .. 7.. mātarjāhnavī śaṃbhusaṃgavalite maulai nidhāyāñjaliṃ tvattīre vapuṣo'vasānasamaye nārāyaṇāṃdhridvayam . sānandaṃ smarato bhaviṣyati mama prāṇaprayāṇotsave bhūyāt bhaktiravicyutā hariharadvaitātmikā śāśvatī .. 8.. gaṃgāṣṭakamidaṃ puṇyaṃ yaḥ paṭhet prayato naraḥ . sarvapāpavinirbhukto viṣṇulokaṃ sa gacchati ..

भगवति भवलीलामौलिमाले तवांभः कणमणुपरिमाणं प्राणिनो ये स्पृशन्ति । अमरनगरनारिचामरमरग्राहिणीनां विगतकलिकलंकातंकमंके लुठन्ति ॥ १॥ ब्रह्माण्डं खंडयन्ती हरशिरसि जटावल्लिमुल्लासयन्ती खर्ल्लोकात् आपतन्ती कनकगिरिगुहागण्डशैलात् स्खलन्ती । क्षोणी पृष्ठे लुठन्ती दुरितचयचमूनिंर्भरं भर्त्सयन्ती पाथोधिं पुरयन्ती सुरनगरसरित् पावनी नः पुनातु ॥ २॥ मज्जनमातंगकुंभच्युतमदमदिरामोदमत्तालिजालं स्नानंः सिद्धांगनानां कुचयुगविगलत् कुंकुमासंगपिंगम् । सायंप्रातर्मुनीनां कुशकुसुमचयैः छन्नतीरस्थनीरं पाय न्नो गांगमंभः करिकलभकराक्रान्तरं हस्तरंगम् ॥ ३॥ आदावादि पितामहस्य नियमव्यापारपात्रे जलं पश्चात् पन्नगशायिनो भगवतः पादोदकं पावनम् । भूयः शंभुजटाविभूषणमणिः जहनोर्महर्षेरियं कन्या कल्मषनाशिनी भगवती भागीरथी दृश्यते ॥ ४॥ शैलेन्द्रात् अवतारिणी निजजले मज्जत् जनोत्तारिणी पारावारविहारिणी भवभयश्रेणी समुत्सारिणी । शेषाहेरनुकारिणी हरशिरोवल्लिदलाकारिणी काशीप्रान्तविहारिणी विजयते गंगा मनूहारिणो ॥ ५॥ कुतो वीचिर्वीचिस्तव यदि गता लोचनपथं त्वमापीता पीतांबरपुग्निवासं वितरसि । त्वदुत्संगे गंगे पतति यदि कायस्तनुभृतां तदा मातः शातक्रतवपदलाभोऽप्यतिलघुः ॥ ६॥ गंगे त्रैलोक्यसारे सकलसुरवधूधौतविस्तीर्णतोये पूर्णब्रह्मस्वरूपे हरिचरणरजोहारिणि स्वर्गमार्गे । प्रायश्चितं यदि स्यात् तव जलकाणिक्रा ब्रह्महत्यादिपापे कस्त्वां स्तोतुं समर्थः त्रिजगदघहरे देवि गंगे प्रसीद ॥ ७॥ मातर्जाह्नवी शंभुसंगवलिते मौलै निधायाञ्जलिं त्वत्तीरे वपुषोऽवसानसमये नारायणांध्रिद्वयम् । सानन्दं स्मरतो भविष्यति मम प्राणप्रयाणोत्सवे भूयात् भक्तिरविच्युता हरिहरद्वैतात्मिका शाश्वती ॥ ८॥ गंगाष्टकमिदं पुण्यं यः पठेत् प्रयतो नरः । सर्वपापविनिर्भुक्तो विष्णुलोकं स गच्छति ॥