praṇamya śirasā devaṃ gaurīputra vināyakam . bhaktāvāsaṃ smarennityāyuṣkāmārthasiddhaye ..1.. prathamaṃ vakratuṇḍaṃ ca ekadantaṃ dvitīyakam . tṛtīyaṃ kṛṣṇapiṅgākṣaṃ gajavaktraṃ caturthakam ..2.. lambodaraṃ pañcamaṃ ca ṣaṣṭhaṃ vikaṭameva ca . saptamaṃ vighnarājaṃ ca dhūmravarṇa tathāṣṭamam ..3.. navamaṃ bhālacandraṃ ca daśamaṃ tu vināyakam . ekādaśaṃ gaṇapatiṃ dvādaśaṃ tu gajānanam ..4.. dvādaśaitāni nāmāni trisandhyaṃ yaḥ paṭhennaraḥ . na ca vighnabhayaṃ tasya sarvasiddhiśca jāyate ..5.. vidyārthī labhate vidyāṃ dhanārthī labhate dhanam . putrārthī labhate putrānmokṣārthī labhate gatim ..6.. japed gaṇapatistotraṃ ṣaḍbhirmāsaiḥ phalaṃ labhet . saṃvatsareṇa siddhiṃ ca labhate nātra saṃśayaḥ ..7.. aṣṭābhyo brāhmaṇebhyaśca likhitvā yaḥ samarpayet . tasya vidyā bhavetsarvā gaṇeśasya prasādataḥ ..8..

प्रणम्य शिरसा देवं गौरीपुत्र विनायकम् । भक्तावासं स्मरेन्नित्यायुष्कामार्थसिद्धये ॥१॥ प्रथमं वक्रतुण्डं च एकदन्तं द्वितीयकम् । तृतीयं कृष्णपिङ्गाक्षं गजवक्त्रं चतुर्थकम् ॥२॥ लम्बोदरं पञ्चमं च षष्ठं विकटमेव च । सप्तमं विघ्नराजं च धूम्रवर्ण तथाष्टमम् ॥३॥ नवमं भालचन्द्रं च दशमं तु विनायकम् । एकादशं गणपतिं द्वादशं तु गजाननम् ॥४॥ द्वादशैतानि नामानि त्रिसन्ध्यं यः पठेन्नरः । न च विघ्नभयं तस्य सर्वसिद्धिश्च जायते ॥५॥ विद्यार्थी लभते विद्यां धनार्थी लभते धनम् । पुत्रार्थी लभते पुत्रान्मोक्षार्थी लभते गतिम् ॥६॥ जपेद् गणपतिस्तोत्रं षड्भिर्मासैः फलं लभेत् । संवत्सरेण सिद्धिं च लभते नात्र संशयः ॥७॥ अष्टाभ्यो ब्राह्मणेभ्यश्च लिखित्वा यः समर्पयेत् । तस्य विद्या भवेत्सर्वा गणेशस्य प्रसादतः ॥८॥