namaste'stu mahāmāye śrīpīṭhe surapūjite . śaṅkhacakragadāhaste mahālakṣmi namo'stute ..1.. namaste garuḍārūḍhe kolāsurabhayaṃkari . sarvapāpahare devi mahālakṣmi namo'stute ..2.. sarvajñe sarvavarade sarvaduṣṭabhayaṃkari . sarvaduḥkhahare devi mahālakṣmi namo'stute ..3.. siddhibuddhiprade devi bhuktimuktipradāyini . mantramūrte sadā devi mahālakṣmi namo'stute ..4.. ādyantarahite devi ādyaśaktimaheśvari . yogaje yogasambhūte mahālakṣmi namo'stute ..5.. sthūlasūkṣmamahāraudre mahāśaktimahodare . mahāpāpahare devi mahālakṣmi namo'stute ..6.. padmāsanasthite devi parabrahmasvarūpiṇi . parameśi jaganmātarmahālakṣmi namo'stute ..7.. śvetāmbaradhare devi nānālaṅkārabhūṣite . jagatsthite jaganmātarmahālakṣmi namo'stute ..8.. mahālakṣmyaṣṭakaṃ stotraṃ yaḥ paṭhedbhaktimānnaraḥ . sarvasiddhimavāpnoti rājyaṃ prāpnoti sarvadā ..9.. ekakāle paṭhennityaṃ mahāpāpavināśanam . dvikālaṃ yaḥ paṭhennityaṃ dhanadhānyasamanvitaḥ ..10.. trikālaṃ yaḥ paṭhennityaṃ mahāśatruvināśanam . mahālakṣmirbhavennityaṃ prasannā varadā śubhā ..11..

नमस्तेऽस्तु महामाये श्रीपीठे सुरपूजिते । शङ्खचक्रगदाहस्ते महालक्ष्मि नमोऽस्तुते ॥१॥ नमस्ते गरुडारूढे कोलासुरभयंकरि । सर्वपापहरे देवि महालक्ष्मि नमोऽस्तुते ॥२॥ सर्वज्ञे सर्ववरदे सर्वदुष्टभयंकरि । सर्वदुःखहरे देवि महालक्ष्मि नमोऽस्तुते ॥३॥ सिद्धिबुद्धिप्रदे देवि भुक्तिमुक्तिप्रदायिनि । मन्त्रमूर्ते सदा देवि महालक्ष्मि नमोऽस्तुते ॥४॥ आद्यन्तरहिते देवि आद्यशक्तिमहेश्वरि । योगजे योगसम्भूते महालक्ष्मि नमोऽस्तुते ॥५॥ स्थूलसूक्ष्ममहारौद्रे महाशक्तिमहोदरे । महापापहरे देवि महालक्ष्मि नमोऽस्तुते ॥६॥ पद्मासनस्थिते देवि परब्रह्मस्वरूपिणि । परमेशि जगन्मातर्महालक्ष्मि नमोऽस्तुते ॥७॥ श्वेताम्बरधरे देवि नानालङ्कारभूषिते । जगत्स्थिते जगन्मातर्महालक्ष्मि नमोऽस्तुते ॥८॥ महालक्ष्म्यष्टकं स्तोत्रं यः पठेद्भक्तिमान्नरः । सर्वसिद्धिमवाप्नोति राज्यं प्राप्नोति सर्वदा ॥९॥ एककाले पठेन्नित्यं महापापविनाशनम् । द्विकालं यः पठेन्नित्यं धनधान्यसमन्वितः ॥१०॥ त्रिकालं यः पठेन्नित्यं महाशत्रुविनाशनम् । महालक्ष्मिर्भवेन्नित्यं प्रसन्ना वरदा शुभा ॥११॥