lokavīraṃ mahāpūjyaṃ sarvarakṣākaraṃ vibhum . pārvatī hṛdayānandaṃ śāstāraṃ praṇamāmyaham .. 1.. viprapūjyaṃ viśvavandyaṃ viṣṇuśambhoḥ priyaṃ sutam . kṣipraprasādanirataṃ śāstāraṃ praṇamāmyaham .. 2.. mattamātaṅgagamanaṃ kāruṇyāmṛtapūritam . sarvavighnaharaṃ devaṃ śāstāraṃ praṇamāmyaham .. 3.. asmatkuleśvaraṃ devamasmacchatru vināśanam . asmadiṣṭapradātāraṃ śāstāraṃ praṇamāmyaham .. 4.. pāṇḍyeśavaṃśatilakaṃ kerale kelivigraham . ārtatrāṇaparaṃ devaṃ śāstāraṃ praṇamāmyaham .. 5.. pañcaratnākhyametadyo nityaṃ śuddhaḥ paṭhennaraḥ . tasya prasanno bhagavān śāstā vasati mānase ..

लोकवीरं महापूज्यं सर्वरक्षाकरं विभुम् । पार्वती हृदयानन्दं शास्तारं प्रणमाम्यहम् ॥ १॥ विप्रपूज्यं विश्ववन्द्यं विष्णुशम्भोः प्रियं सुतम् । क्षिप्रप्रसादनिरतं शास्तारं प्रणमाम्यहम् ॥ २॥ मत्तमातङ्गगमनं कारुण्यामृतपूरितम् । सर्वविघ्नहरं देवं शास्तारं प्रणमाम्यहम् ॥ ३॥ अस्मत्कुलेश्वरं देवमस्मच्छत्रु विनाशनम् । अस्मदिष्टप्रदातारं शास्तारं प्रणमाम्यहम् ॥ ४॥ पाण्ड्येशवंशतिलकं केरले केलिविग्रहम् । आर्तत्राणपरं देवं शास्तारं प्रणमाम्यहम् ॥ ५॥ पञ्चरत्नाख्यमेतद्यो नित्यं शुद्धः पठेन्नरः । तस्य प्रसन्नो भगवान् शास्ता वसति मानसे ॥