prātaḥ smarāmi bhavabhītiharaṃ sureśaṃ gaṅgādharaṃ vṛṣabhavāhanamambikeśam . khaṭvāṅgaśūlavaradābhayahastamīśaṃ saṃsārarogaharamauṣadhamadvitīyam .. prātarnamāmi giriśaṃ girijārdhadehaṃ sargasthitipralayakāraṇamādidevam . viśveśvaraṃ vijitaviśvamanobhirāmaṃ saṃsārarogaharamauṣadhamadvitīyam ..2.. prātarbhajāmi śivamekamanantamādyaṃ vedāntavedyamanaghaṃ puruṣaṃ mahāntam . nāmādibhedarahitaṃ ṣaḍbhāvaśūnyaṃ saṃsārarogaharamauṣadhamadvitīyam ..3.. prātaḥ samutthāya śivaṃ vicintya ślokāṃstrayaṃ ye'nudinaṃ paṭhanti . te duḥkhajātaṃ bahujanmasañcitaṃ hitvā padaṃ yānti tadeva śambhoḥ .. 4..

प्रातः स्मरामि भवभीतिहरं सुरेशं गङ्गाधरं वृषभवाहनमम्बिकेशम् । खट्वाङ्गशूलवरदाभयहस्तमीशं संसाररोगहरमौषधमद्वितीयम् ॥ प्रातर्नमामि गिरिशं गिरिजार्धदेहं सर्गस्थितिप्रलयकारणमादिदेवम् । विश्वेश्वरं विजितविश्वमनोभिरामं संसाररोगहरमौषधमद्वितीयम् ॥२॥ प्रातर्भजामि शिवमेकमनन्तमाद्यं वेदान्तवेद्यमनघं पुरुषं महान्तम् । नामादिभेदरहितं षड्भावशून्यं संसाररोगहरमौषधमद्वितीयम् ॥३॥ प्रातः समुत्थाय शिवं विचिन्त्य श्लोकांस्त्रयं येऽनुदिनं पठन्ति । ते दुःखजातं बहुजन्मसञ्चितं हित्वा पदं यान्ति तदेव शम्भोः ॥ ४॥