yogīśvaro mahāsenaḥ kārtikeyo'gninaṃdanaḥ . skaṃdaḥ kumāraḥ senānīḥ svāmī śaṃkarasaṃbhavaḥ ..1.. gāṃgeyastāmracūḍaśca brahmacārī śikhidhvajaḥ . tārakārirumāputraḥ krauṃcāriśca ṣaḍānanaḥ ..2.. śabdabrahmasamudraśca siddhaḥ sārasvato guhaḥ . sanatkumāro bhagavān bhogamokṣaphalapradaḥ ..3.. śarajanmā gaṇādhīśa pūrvajo muktimārgakṛt . sarvāgamapraṇetā ca vāṃcchitārthapradarśanaḥ ..4.. aṣṭāviṃśatināmāni madīyānīti yaḥ paṭhet . pratyūṣaṃ śraddhayā yukto mūko vācaspatirbhavet ..5.. mahāmaṃtramayānīti mama nāmānukīrtanam . mahāprajñāmavāpnoti nātra kāryā vicāraṇā ..6.. iti śrīrudrayāmale prajñāvivardhanākhyaṃ śrīmatkārtikeyastotraṃ sampūrṇam ..7..

योगीश्वरो महासेनः कार्तिकेयोऽग्निनंदनः । स्कंदः कुमारः सेनानीः स्वामी शंकरसंभवः ॥१॥ गांगेयस्ताम्रचूडश्च ब्रह्मचारी शिखिध्वजः । तारकारिरुमापुत्रः क्रौंचारिश्च षडाननः ॥२॥ शब्दब्रह्मसमुद्रश्च सिद्धः सारस्वतो गुहः । सनत्कुमारो भगवान् भोगमोक्षफलप्रदः ॥३॥ शरजन्मा गणाधीश पूर्वजो मुक्तिमार्गकृत् । सर्वागमप्रणेता च वांच्छितार्थप्रदर्शनः ॥४॥ अष्टाविंशतिनामानि मदीयानीति यः पठेत् । प्रत्यूषं श्रद्धया युक्तो मूको वाचस्पतिर्भवेत् ॥५॥ महामंत्रमयानीति मम नामानुकीर्तनम् । महाप्रज्ञामवाप्नोति नात्र कार्या विचारणा ॥६॥ इति श्रीरुद्रयामले प्रज्ञाविवर्धनाख्यं श्रीमत्कार्तिकेयस्तोत्रं सम्पूर्णम् ॥७॥